جان جاک رۆسۆ تیۆریکى دانابوو کە دەسەلات بریتیە لە گریبەستیک لەنیوان دەسەلات وهاوولاتیان ولەسەر بنەماو مەرجەکانى ئەو گریبەستە دەبیت دەسەلاتداران خزمەت  بە نیشتمان وهاوولاتیان بکەن  ، ئیستا رەخنە ئاراستەى ئەم تیۆر کراوە لەو روەوە کە ئەم تیۆرە بوارى داوە بەوەى کە ئەم دەسەلاتدارە بە هەتاهەتاى لەدەسەلاتدا بمێنیتەوەگەر پابەند بیت بەمەرج وشیوەى جى بەجى کردنى گریبەستەکەوە، وەبواریشى دابوو بەهاولاتیان گەر ئەودەسەلاتدارە گریبەستەکەى جى بەجى نەکرد مافى لادانى ئەودەسەلاتدارەیان هەبیت، بەلام پاش چەسپاندنى ئەم تیۆرە لەزۆریک لەوولاتاندا، هەندیک لەزانایانى بوارى زانستە سیاسیەکان پیداچونەوەیان بۆ ئەم تیۆرە کردووە بەهۆى ئەوەى سەلمینرا کە لایەنیکى گریبەستەکە مەرجەکەى  جى بەجى کردووە ئەویش ئەوەیە زۆربەى دەسەلاتداران بۆهەتاهەتایى لەدەسەلاتدا دەمیننەوە بەلام  بواریان نەدا  بەهاوولایتان کە داواى لادانیان بکەن، ئەمەش واى کردووە خاوەن   تیۆرە  دیموکراسیەکان گەشە بەم تیۆرە  بدەن بەوەى لەسەر ئەوە کۆک بن کە دەسەلاتدارى وەزیفەیەکى فەرمیە بۆماوەیەکى دیارى کراو کە ئەو دەسەلاتدارە لەچوارچیوەى یاسایەکدا  دەبیت گریبەستەکە جى بەجى بکات ، وەهەندیکیان دەلین گریبەستە بەلام گریبەستیکى کاتیە و دەبیت کاتەکەشى دیارى کراو بیت  وبەردەوام نیە  وبوارى دریژکردنەوەشى نابیت،  بەلام لەهەردووحالەتدا مافى هاولاتیان هەیە گەر ئەو دەسەلاتدارە کارەکەى لەچواچیوەى یاساکەدا نەکرد یان مەرجەکانى گریبەستەکەى جى بەجى نەکرد هاوولاتیان دەتوانن لایبدەن ونابیت ئەویش ململانى بکات.